Skip to main content

Бисептоцид-RNP

Улашиш:
  Reading time 6 minutes

ҚЎЛЛАШ БЎЙИЧА ЙЎРИҚНОМА

БИСЕПТОЦИД-RNP

BISEPTOCID-RNP

 

Препаратнинг савдо номи: Бисептоцид-RNP

Таъсир этувчи модда (ХПН): сульфаметоксозол. триметоприм

Дори шакли: таблеткалар

Таркиби:

1 таблетка қуйидагиларни сақлайди:

фаол моддалар: сульфаметоксазол 400 мг, триметоприм 80 мг;

ёрдамчи моддалар: лактозак моногидрати, мангий стеарти, микрокристал целлюлоза, тальк, аэросил, кросповидон.

Таърифи: оқ ёки кремсимон тусли оқ рангли, бир томонида рискали ва бошқа томонида фаскали таблеткалар.Таблеткаларнинг юзасида мармарлик бўлишига йўл қўйилади.

Фармакотерапевтик гуруҳи: антибактриал синтетик препарат (сульфаниламид).

АТХ коди: J01Е Е01.

Фармакологик хусусиятлари

6-yillik-qizil-jenshen

Фармакодинамикаси

Бисептоцид-RNP – кенг таъсир доирасига эга, мажмуавий антибактериал препаратдир. Бактерицид ва прозойларга қарши таъсирларни намоён қилади. Сульфаметоксазол ва триметопримнинг мажмуасидир. Иккала компонент in vitro ҳам, in vivo ҳам бактерияларнинг ўсишини сусайтириб синергик таъсир қилади. Таъсир механизми нуклеин кислоталарни ва микроорганизмларни фолат кислотасини синтези ва трансформациясининг турли фазаларига (сульфаметоксазол фолат кислотасининг синтезини сусайтиради, триметоприм эса унинг нуклеин кислотаси ва микроорганизмларнинг оқсилларини синтези учун керак бўлган фолин кислотасига айланишини сусайтиради) таъсири орқали блоклашидан иборат. Шундай иккиёқлама таъсири туфайли препарат фаол ва унга чидамли микроорганизмларни штаммлари кам пайдо бўлади.

Бисептоцид-RNP қатор граммусбат (Staphylococcus spp., Streptococcus spp., шу жумладан Streptococcus pneumoniae, Listeria monocytogenes)  ва грамманфий бактерияларга (Shigella spp., Salmonella, E. Cjli, Klebsiella spp., Protens mirabilis, Yerinia spp., Yaemophilus dicreyi, Haemophilus influenzae ва parainfluenzae, Serratia spp., Vibrio cholerae, Neisseria meningitides, Neissera gonorrhoeae, Brucella spp., Chamydia trachomatis, Pneumocystis carinii) нисбатан фаол.

Вирусларга ва замбуруғларга нисбатан фаол эмас.

Фармакокинетикаси

Иккала компонент перорал қабул қилинганидан кейин яхши сўрилади. Овқат қабул қилиш препаратнинг меъда-ичак йўлларидан сўрилишига таъсир қилмайди. Плазма оқсиллари билан боғланади. Буйрак ва ўпкада юқори концентрацияларда тақсимланади. Буйрак орқали ўзгармаган холда чиқарилади.

Қўлланилиши

Препаратга сезгир микроорганизмлар чақирган инфекциялар:

  • Бронх-ўпка тизими ва ЛОР аъзоларининг инфекциялари, ўткир ва сурункали бронхит, пневмониялар, шу жумладан Pneumocystus carinii чақирган, бронхэктатик касаллиги, ўпка абсцесси, болалардаги ўрта отит.
  • Урогенитал инфекциялар; ўткир ва сурункали цистит, пиелонефрит, простатит, уретрит (шу жумладан гонококкокли).
  • Меъда-ичак йўлларининг инфекциялари: қорин тифи ва паратиф, дизентерия, сальмонеллез, вабони даволашда ёрдамчи восита сифатида қўлланади.
  • Тери инфекциялари: абсцесслар, пиодермиялари, инфекцияланган жарохатлар.
  • Суяк тизимини инфекциялари: ўткир ва сурункали остеомиелит.
  • Бошқалар: бруцеллез, нокардиоз.

Препарат билан даволашни бошлашдан олдин, айниқса сийдик йўлларини инфекцияларида, антибиотикограммни аниқлаш тавсия қилинади.

Қўллаш усули ва дозалари

Препаратни ичга, овқатдан кейин етарли миқдордаги суюқлик билан бирга қўлланади.

Катталар ва 12 ёшдан катта болаларга – 1-2 таблеткадан (480-960 мг) кунига 2 марта, касалликнинг оғирлигига қараб эрталаб ва кечқурун буюрилади. Оғир инфекцияларда –     3 таблеткадан кунига 2 марта. Узоқ муддатли даволанишда доза 1 таблеткадан кунига          2 мартагача камайтирилади.

2-6 ойликкача бўлган болаларга – 120 мг дан, 6 ойликдан-5 ёшгача – 240 мг дан, 6-12 ёш – 480 мг дан кунига 2 марта, 12 соат оралиқ билан буюрилади.

Сийдик йўлларининг инфекциялари ва болалардаги ўткир ўрта отитда – кунига 48 мг/кг,   2 қабулда, ҳар 12 соатда буюрилади. Катталарда ва болаларда Pneumocystus carinii чақирган пневмонияда, тасдиқланган ташхисда, кунига 90-120 мг/кг дан 4 қабулга бўлинган, хар 6 соатда, 14-21 кун давомида буюрилади.

12 ёшгача бўлган болаларга препарат суспензия кўринишида буюрилади.

Ножўя таъсирлари

Нерв тизими томонидан: апатия, асептик менингит, атаксия, бош оғриғи, депрессия, галлюцинациялар, асабийлашиш, қулоқларда шовқин, периферик невритлар.

Меъда-ичак йўллари томонидан: кўнгил айниши, қусиш, ич кетиши, глоссит, сохта-мембраноз колит, панкреатит, холестатик гепатит, жигар трансаминазаларни фаоллигини ошиши.

Гематопоэз тизими томонидан: лейкопения, нейтропения, эозинофилия, тромбоцитопения, жуда кам холларда – агранулоцитоз, мегалобласт анемия, гемостатик анемия, панцитопения, метгемоголобинемия.

Стйдик тизими томонидан: кристаллурия, гематурия, интерстициал нефрит, буйрак етишмовчилиги.

Аллергик реакциялар: терини қичиши, тери тошмалари, аллергик миокардит, этни увишиши, анафилактоид реакциялар, ангионевротик шиш, Шонлейн-Генох пурпураси, эшакеми, эксофолиатив дерматит, зардоб касаллиги, кам ҳолларда – тугунли периартрит, югуриксимон синдроми, Стивенс-Джонсон синдроми, токсик эпидермал некролизи (Лайел синдроми).

Бошқалар: қалқонсимон бези фаолиятини бузилиши мумкин.

Қўллаш мумкин бўлмаган ҳолатлар

Сульфаниламидларга ва триметопримга юқори сезувчанлик, жигар ва буйрак етишмовчилиги, гемотологик касалликлар, глюкоза-6-фосфатдегидрогеназа танқислиги, ҳомиладорлик ва лактация даври.

2 ойликкача бўлган болаларга сариқликнинг ривожланишини хавфи туфайли буюрилмайди.

Дориларнинг ўзаро таъсири

Бисептоцид-RNР плазма оқсилларидан сўриб чиқариши хисобига, орал диабетга қарши препаратларни (гипогликемия хавфи), кумарин қатори антиоагулянтларни (қон кетиш хавфи), метотрексат, фенилбутазон, сульфинпиразон, миелодепресантлар, тиришишга қарши воситаларнинг плазмадаги концентрацияни ва таъсирини ошишини чақириши мумкин. Циклоспориннинг самарасини пасайтиради. Тиазид диуретиклари билан бирга қўлланганида тромбоцитопения, приметамин билан – мегалобласт анемия хавфи ошади.

 

Махсус кўрсатмалар

Препарат фолат кислотасининг мумкин бўлган танқислигида, анамнезида аллергик реакциялари бўлган пациентларда, бронхиал астмада, жигар, буйрак, қалқонсимон бези фаолиятининг бузилишларида эҳтиёткорлик билан буюрилади.

Кекса пациентларга Бисептоцид-RNP препарати билан даволаниш вақтида кўпинча фолат кислотасини буюриш тавсия қилинади.

Тери реакциялари ёки бошқа оғир белгилар пайдо бўлганида препаратни дарҳол бекор қилиш тавсия қилинади.

Узоқ муддат даволанганда қон манзарасини вақти-вақти билан текшириш керак.

Препаратни β-гемолитик стрептококкларнинг А гуруҳи чақирган инфекцияларда (айниқса фарингитларда, гайморитларда) буюриш тавсия қилинмайди.

Бисептоцид-RNP препарати билан даволашнинг хамма даврида етарли даражада суюқликни истеъмол қилиш тавсия қилинади.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

 

Дозани ошириб юборилиши

Дозани ўткир ошириб юбориш симптомлари: меъда-ичак йўллари томонидан бузилишлар, бош айланиши, бош оғриғи, уйқучанлик, депрессия, суяк кўмигининг гипоплазияси, кристаллурия, гематурия.

Даволаш: меъдани ювиш, сийдикни ишқорийлашуви билан бўлган кучайтирилган диурез, гемодиализ ёки перитонеал диализ, қон формуласини назорати.

Дозани сурункали ошириб юбориш симптомлари: препарат катта дозаларда узоқ вақт давомида қўлланганида пайдо бўлади – тромбоцитопения билан бўлган суяк кўмигининг гипоплазияси ва/ёки мегалобласт анемия.

Даволаш: фолат кислотасини (кунига 3-6 мг дан ) суяк кўмигининг депрессияни характерли белгилари йўқолгунича юборилади.

Чиқарилиш шакли

Таблеткалар 480 мг №10 контур уяли ўрамда.

1, 2 ёки 10 контур уяли ўрамлар қўллаш бўйича йўриқномаси билан бирга картон қутида.

Сақлаш шароити

Қуруқ, ёруғликдан ҳимояланган жойда, 25°С ҳароратда сақлансин.

 

Яроқлилик муддати

4 йил.

 

Дорихоналардан бериш тартиби

Рецепт бўйича

Улашиш:
6 yillik Koreya qizil jenshen 365