ҚЎЛЛАШ БЎЙИЧА ЙЎРИҚНОМА
АМПИОКС – НАТРИЙ
AMPIOX – NATRIUM
Препаратнинг савдо номи: Ампиокс-натрий
Таъсир этувчи моддалар (ХПН): Ампициллин, Оксациллин (2:1 нисбатда).
Чиқарилиш шакли: Инъекцион эритмани тайёрлаш учун кукун 0,5 г дан флаконларда.
Таркиби:
Бир флакон сақлайди:
Ампициллиннинг натрийли тузи 0,3335 г
Оксациллиннинг натрийли тузи 0,1665 г
Фармакотерапевтик гуруҳи: Антибиотиклар (пенициллинлар гуруҳи).
Фармакологик хусусиятлари
Препарат ампициллин ва оксациллин спектрларини бирлаштирувчи кенг антибактериал таъсир доирасига эга. Граммусбат (Staphylococcus spp., Streptococcus spp., С.diphtheriae, Clostridium) ва грамманфий (Е.coli, Рг.mirabilis, Н.influenzae, К.pneumoniae, N.meningitidis ва бошқалар) микроорганизмларга нисбатан фаол.
Препаратда оксациллиннинг натрийли тузини борлиги туфайли, у пенициллиназани ҳосил қилувчи стафилококкларга нисбатан фаол.
Ps.aeruginosa, Pr.vulgaris, Pr.rettgeri, Pr.morgonii нинг кўпчилик штаммлари препаратнинг таъсирига чидамли.
Фармакокинетикаси
Препаратнинг қондаги максимал концентрацияси (Сmax) мушак ичига (м/и) юборилгандан кейин 30 минут – 1 соатдан сўнг аниқланади. Вена ичига (в/и) юборилганида қонда препаратни м/и юбориш усулида кўзатиладиган концентрациясидан юқорироқ концентрацияси тез ҳосил бўлади. Организмдан препарат буйраклар орқали ва қисман ўт-сафро билан чиқарилади.
Такрор юборишларда у организмда тўпланмайди, бу уни узоқ муддат қўллаш имкониятини беради.
Қўлланилиши
Препаратни унга сезгир бактериялар чақирган инфекцияларда, шу жумладан нафас йўллари ва ўпка инфекцияларида (бронхитда, пневмонияда ва бошқаларда), ангиналарда, холангитда, холециститда, пиелитда, пиелонефритда, циститда, инфекцияланган жароҳатларда, тери инфекцияларида, сепсисда, эндокардитда, туғруқдан кейинги инфекцияларда, антибиотикограммада аниқланмаган ва кўзғатувчи ажратиб чиқарилмаган ҳолларда, куйиш касаллигида, буйрак инфекцияларида буюрилади.
Жарроҳлик операцияларда операциядан кейинги йирингли асоратларни олдини олиш ва янги туғилган чақалоқларда инфекцияларни олдини олиш ва даволаш учун ишлатилади. Гонореяни даволашда препарат, гонококкларнинг бензилпенициллинга резистент штаммлари чақирган ҳолларда қўлланади.
Қўллаш усули ва дозалари
Препарат м/и ёки в/и (оқим билан ёки томчилаб) юборилади.
Парентерал юборилганда препаратнинг катталар учун бир марталик дозаси 0,5-1 г ни, суткалик дозаси 2-4 г ни ташкил қилади. Янги туғилган чақалоқларга, чала туғилган ва 1 ёшгача бўлган болаларга препарат 100-200 мг/кг суткалик дозада буюрилади. 1 ёшдан 7 ёшгача бўлган болаларга – 100 мг/кг дан, 7 ёшдан 14 ёшгача – 50 мг/кг, 14 ёшдан ошганларга-катталар учун дозаси буюрилади. Суткалик дозани 3-4 қабулда 6-8 соат интервал билан юборилади. Даволаниш муддати 5-7 кундан 3 ҳафтагача. Инфекцияни оғир кечишида доза 1,5–2 марта оширилиши мумкин.
М/и юбориладиган эритмалар, флакон ичидаги 0,5 г препаратга 2 мл инъекция учун сув қўшиб ex tempore тайёрланади.
В/и оқим билан юбориш учун препарат (бир марталик дозаси) инъекция учун сув ёки натрий хлоридининг изотоник эритмасини 10-15 мл да эритилади ва 2-3 минут давомида аста-секин юборилади.
В/и томчилаб юбориш учун препарат (катталар учун бир марталик дозаси) натрий хлоридининг изотоник эритмаси ёки 5-10% глюкоза эритмасининг 100-200 мл да эритилади ва минутига 60-80 томчи тезликда юборилади, болаларга томчилаб юборилганда, эритма сифатида 5-10 % глюкоза эритмаси ишлатилади (ёшига қараб 30-100 мл). Препарат в/и 5-7 кун давомида, кейинчалик м/и (зарурат бўлганида) юборишга ўтилади.
Эритмалар тайёрланганидан сўнг дарҳол ишлатилади, уларга бошқа дориларни қўшиш мумкин эмас.
Ножўя таъсирлари
Тери тошмалари, эшакеми, Квинке шиши ва бошқалар кўринишида намоён бўлувчи аллергик реакциялар бўлиши мумкин, кам ҳолларда – анафилактик шок ривожланиши мумкин. Аллергик реакциялар пайдо бўлганда препаратни юборишни тўхтатиш ва десенсибилизацияловчи даволашни ўтказиш керак.
Анафилактик шокнинг белгилари пайдо бўлганида беморни бу ҳолатдан чиқариш учун шошилинч чораларни кўриш керак: адреналинни, юрак-томир (корглюкон, строфантин, эуфиллин ва бошқалар), гормонал (гидрокортизон ёки преднизолон) препаратларини ва десенсибилизацияловчи воситаларни (пипольфен, супрастин) юбориш керак, зарурати бўлганида ўпканинг сунъий вентиляцияси ўтказилади.
В/и юборилганда флебит ёки перифлебит ривожланиши, м/и юборилганда инъекция жойида оғриқ бўлиши мумкин.
Қўллаш мумкин бўлмаган ҳолатлар
Препаратни жигар етишмовчилиги, бронхиал астмаси, эшакеми, пичан иситмаси билан хасталанган беморларга, лактация даврида (ёҳуд эмизишни тўхтатилади), шунингдек анамнезида пенициллин гуруҳи препаратларига токсико-аллергик реакциялари бўлган шахсларда қўллаш тавсия қилинмайди.
Дориларнинг ўзаро таъсири
Пробенецид Ампиокс билан бир вақтда қўлланганда, охиргининг найчалар секрециясини пасайтиради, бунинг натижасида қон плазмасида препаратнинг концентрацияси ошади ва заҳарли таъсирини ривожланиш хавфи кучаяди. Ампиоксни перорал эстроген сақловчи препаратлар билан бир вақтда қўлланганда,эҳтимол эстрогенларни жигарда циркуляциясини сусайиши ҳисобига уларнинг самарадорлигини пасайиши аниқланади.
Препарат перорал антикоагулянтларнинг таъсирини кучайтиради.
Маҳсус кўрсатмалар
Препарат билан даволаш жараёнида буйраклар фаолиятини, жигар ва периферик қон манзарасини мунтазам назорат қилиш керак. Буйраклар фаолиятини бузилиши бўлган пациентларда дозалаш тартибини тўғрилаш талаб қилинади.
Препарат ҳомиладорликда фақат ҳаётий кўрсатмалар бўйича қўлланади. Препарат кўкрак сути билан паст концентрацияларда чиқарилади, шунинг учун лактация даврида препаратни қўллаш зарурати бўлганида, эмизишни тўхтатиш масаласини ҳал қилиш керак.
Буйрак етишмовчилиги бўлган беморларда катта дозаларда қўлланганида, марказий нерв тизимига заҳарли таъсири намоён бўлиши мумкин.
Препаратни болалар олаолмайдиган жойда сақлаш ва уни яроқлилик муддати ўтганидан кейин ишлатмаслик лозим.
Сақлаш шароити
Қуруқ , ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.
