Skip to main content

Туссифен сироп

Улашиш:
  Reading time 5 minutes

ҚЎЛЛАШ БЎЙИЧА ЙЎРИҚНОМА

ТУССИФЕН СИРОП

SIRUPUS TUSSIFEN

 

Препаратнинг савдо номи: Туссифен 

Таъсир этувчи моддалар (ХПН): аминофеназон ва эфедрин гидрохлориди

Дори шакли: сироп

Таркиби:

100 мл сироп қуйидагиларни сақлайди:

фаол моддалар: аминофеназон – 0,6 г ва эфедрин гидрохлориди – 0,18 г;

ёрдамчи моддалар: натрий бензоати, қанд, сахарин, натрий бромиди, гулхайри суюқ экстракти, тоғжамбил суюқ экстракти, этил спирти, тозаланган сув.

Таърифи: ўзига ҳос ҳидли, ширинроқ таъмли сиропсимон суюқлик.

Фармакотерапевтик гуруҳи: Балғам кўчирувчи воситалар.

АТХ коди: R05CA

 

6-yillik-qizil-jenshen

Фармакологик хусусиятлари

Яққол балғам кўчирувчи таъсирга эга бўлган муколитик препарат. Препарат бронхларнинг шиллиқ қаватининг сероз ҳужайраларини рағбатлантириши ҳисобига балғамни суюлтиради. Балғамнинг сероз ва шиллиқ компонентларининг нисбатини меъёрлаштириб, балғамнинг мукополисахаридлари орасидаги боғларни парчалайдиган ферментларнинг ишлаб чиқарилишини, сурфактантнинг ҳосил бўлишини рағбатлантиради. Сурфактант ҳосил бўлишини ошиши ҳисобига препарат яллиғланишига қарши таъсир кўрсатади, антиоксидант хусусиятларга эга ва маҳаллий иммунитетни оширади.

 

Фармакокинетикаси

Ичга қабул қилинганидан кейин амброксол меъда-ичак йўлларидан амалда тўлиқ сўрилади. Қон плазмасида максимал концентрацияга (Сmax) тахминан 0,3-0,5 соатдан кейин эришилади. Препаратнинг биокираолишлиги 70-80% ни ташкил қилади. Тўпланиши аниқланмаган.

Плазма оқсиллари билан боғланиши тахминан 90% ташкил қилади. Тўқималарга тез киради ва энг юқори концентрацияси ўпкада аниқланади. Гематоэнцефалик тўсиқ (ГЭТ) ва йўлдош тўсиғи орқали ўтади ва кўкрак сути билан чиқарилади.

Жигарда конъюгация йўли билан фармакологик нофаол метаболитларни ҳосил қилиб метаболизмга учрайди.

Плазмадан ярим чиқарилиш даври (Т1/2) – 7-12 соатни ташкил қилади. Буйрак орқали препаратнинг тахминан 90% чиқарилади.

 

Қўлланилиши

Ёпишқоқ балғам ажралиб чиқиши билан бирга кечувчи нафас йўлларининг ўткир ва сурункали (ўткир ва сурункали бронхит, пневмония, обструктив бронхит, секретнинг ажралиб чиқиши бузилган бронхиал астма, бронхоэктатик касаллик, ҳамда бурун-томоқ бўшлиғининг яллиғланишида шиллиқнинг суюлишини яхшилаш учун) касалликларини муколитик даволашда қўлланади.

Қўллаш усули ва дозалари

Препаратни овқатдан кейин ичга қабул қилиш лозим. Даволаш вақтида кўп суюқлик истеъмол қилиш керак (шарбат, чой, сув), чунки у препаратнинг муколитик самарасини кучайтиради.

Бошқа кўрсатмалар бўлмаганида қуйида келтирилган дозалаш тавсия қилинади: 

2 ёшгача бўлган болаларга 2,5 мл дан (1/2 чой қошиқ) кунига 2 марта;

2 дан 5 ёшгача 2,5 мл дан (1/2  чой қошиқ) кунига 3 марта;

5 дан 12 ёшгача 5 мл дан (1 чой қошиқ) кунига 2-3 марта буюрилади.

12 ёшдан ошган болалар ва катталарга биринчи 2-3 кунлари 10 мл дан (2 чой қошиқ) кунига 2 марта, сўнгра худди шундай ёки 5 мл (1 чой қошиқ) дан кунига 3 марта  давом эттирилади.

Даволашнинг давомийлиги касалликнинг оғирлигига боғлиқ ва уни даволовчи шифокор томонидан белгиланади. Шифокорнинг тавсиясисиз препаратни 4-5 кундан ортиқ қабул қилиш мумкин эмас.

 

Ножўя таъсирлари

Препарат одатда яхши ўзлаштирилади. Баъзи ҳолларда аллергик реакциялар: тери тошмаси, эшакеми, ангионевротик шиш, алоҳида ҳолларда аллергик контакт дерматит, жуда кам ҳолларда анафилактик тури ўткир оғир реакциялари (анафилактик шок), сўлак ажралишини кучайиши, оғизни қуриши, сийишни қийинлашиши, узоқ вақт катта дозаларда қабул қилинганида – қорин оғриғи, жиғилдон қайнаши, гастралгия, кўнгил айниши, қусиш, қабзият кузатилиши мумкин.

 

Қўллаш мумкин бўлмаган ҳолатлар

Препаратга ёки препаратнинг бошқа компонентларига юқори сезувчанлик, ҳомиладорлик (I уч ойлиги) ва лактация даври, меъда ва 12-бармоқ ичак яра касаллигида, йўталга қарши препаратлар билан бир вақтда қабул қилиш мумкин эмас.

 

Дориларнинг ўзаро таъсири

Препарат ва антибактериал воситаларни (амоксициллин, цефуроксим, доксициклин, эритромицин) бир вақтда қабул қилиш антибиотикларнинг ўпка тўқимасига киришига ёрдам беради. Туғиш фаолиятини тормозловчи препаратлар билан мутаносиб. 

Препарат йўталга қарши препаратлар билан мажмуавий қўлланганида йўтал рефлексини сусаиши туфайли, суюлтирилган секретни хавфли димланиши мумкин. Шунинг учун йўталга қарши воситаларини қабул қилиш фақат даволовчи шифокор кўрсатмасига кўра ўтказилиши лозим.

 

Махсус кўрсатмалар

Сиропни фақат даволовчи шифокор билан маслаҳатлашгандан кейин ва бронхларнинг моторикаси бузилган ҳолда ва шиллиқ миқдори ошган ҳолларда (масалан, хавфли киприк синдромида) шифокор назорати остида қабул қилиш мумкин. Буйрак ёки жигар фаолиятининг оғир бузилишида кичикроқ концентрацияларни ишлатиш ёки препарат қабуллари орасидаги интервални ошириш керак.

Сиропни эмизиш вақтида ёки айниқса ҳомиладорликнинг II ва III уч ойлигида фақат даволовчи шифокор тавсияси бўйича қабул қилиш мумкин.

Препарат болалар ололмайдиган жойда сақлансин ва яроқлилик муддати ўтгач ишлатмаслик лозим.

 

Дозани ошириб юборилиши

Ҳозирги вақтгача препаратни дозаси ошириб юборилганда заҳарланиш ҳоллари кузатилмаган. Аммо баъзи ҳолларда қисқа муддатли безовталик ва ич кетиши, доза кучли ошириб юборилганида артериал босимни пасайиши, қусиш, кўп сўлак ажралиши кузатилиши мумкин.

Даволаш: бундай ҳолларда, айниқса дозани кучли ошириб юборилганида шифокорга мурожаат қилиш ва унинг тавсияси бўйича меъдани ювишни, ёғ сақловчи маҳсулотларни қабул қилиш, гемодинамик кўрсаткичларни назорат қилиш, зарурати бўлганда симптоматик даволашни ўтказиш керак.

 

Чиқарилиш шакли

 Сироп 50 мл, 90 мл ва 100 мл дан флаконларда.

 

Сақлаш шароити

Ёруғликдан ҳимояланган жойда, 250С дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецептсиз.

Улашиш: