ҚЎЛЛАШ БЎЙИЧА ЙЎРИҚНОМА
ГРИПП АКТИВ ХОТ
GRIPP AKTIV HOT
Препаратнинг савдо номи: ГРИПП АКТИВ ХОТ
Таъсир этувчи моддалар (ХПН): парацетамол, фенилэфрин гидрохлориди, аскорбин кислотаси.
Дори шакли: ичга қабул қилиш учун эритма тайёрлаш учун лимон ёки апельсин, ёки қора қорағат таъмли кукун.
Таркиби:
1 пакетча қуйидагиларни сақлайди:
фаол моддалар: парацетамол – 750 мг, фенилэфрин гидрохлориди – 10 мг, аскорбин кислотаси – 60 мг;
ёрдамчи моддалар: сувсиз лимон кислотаси, натрий цитрати, қанд, натрий сахаринати, лимон/апельсин/қора қорағат ароматизатор, сариқ Е110 «қуёш шафағи», кармуазин.
Таърифи: ўзига хос ҳидли кристалл кукун. Оқ рангли кристаллар ва енгил сочилувчан қумоқларни бўлишига йўл қўйилади.
Лимон таъмли кукун ўзига хос лимон ҳидига эга оқ рангдан сариқ ранггача бўлган товланувчи эритма ҳосил бўлгунича 250 мл қайноқ сувда эритилади
Апельсин таъмли кукун ўзига хос апельсин ҳидига эга сариқдан тўқсариқ ранггача бўлган товланувчи эритма ҳосил бўлгунича 250 мл қайноқ сувда эритилади.
Қора қорағат таъмли кукун ўзига хос қора қорағат ҳидига эга пушти рангдан пушти-бинафша ранггача бўлган товланувчи эритма ҳосил бўлгунича 250 мл қайноқ сувда эритилади.
Фармакотерапевтик гурухи: ЎРК симптомларини бартараф этувчи воситалар.
АТХ коди: N02BE51
Фармакологик хусусиятлари
Мажмуавий препаратдир, таъсири унинг таркибига кирувчи компонентлари билан боғлиқ.
Парацетамол – анальгетик-антипиретик, оғриқ ва терморегуляция марказларига таъсир қилади. Оғриқни қолдириш ва иситмани туширувчи таъсирни кўрсатади. Бош ва мушак оғриқларини, иситма кўринишларини камайтиради, томоқ оғриғини юмшатади.
Фенилэфрин гидрохлориди – қон томирларни торайтирувчи таъсирни кўрсатади, бурун орқали нафасни енгиллаштиради ва бурун йўллари ва бурунолди бўшлиқларнинг тозаланишига ёрдам беради.
Аскорбин кислотаси – оксидланиш-қайтарилиш жараёнларини, углеводлар алмашувини бошқарилишида иштирок этади, организмнинг инфекцияларига чидамлилигини оширади.
Қўлланилиши
Юқори ҳарорат, этни увишиши, бош оғриғи, бўғимлар ва мушаклар оғриғи, бурун битиши, томоқ ва бурун бўшлиқларининг оғриғи билан бирга кечувчи инфекцион-яллиғланиш касалликлари (ЎРК, ЎРВИ, грипп) да қўлланади.
Қўллаш усули ва дозалари
Бир пакетча ичидагиси стаканга солинади, иссиқ сув қуйилади, тўлиқ эриб кетгунча аралаштирилади ва иссиқ холида ичилади.
Катталарга: бир пакетчадан ҳар 4-6 соатда, 24 соат давомида 4 пакетчадан ортиқ қабул қилинмасин. Препаратни қабул қилиш оралиғидаги интервал 4 соатдан кам бўлмаслиги керак.
12 ёшдан ошган болаларга: бир пакетчадан хар 6 соатда буюрилади, 24 соат давомида 3 пакетчадан ортиқ қабул қилинмасин.
12 ёшгача бўлган болаларга шифокорнинг кўрсатмаси бўйича қўлланилсин.
Препаратни оғриқ қолдирувчи восита сифатида 5 кундан ортиқ ва иситмани туширувчи восита сифатида 3 кундан ортиқ қабул қилиш тавсия этилмайди.
Агар шамоллаш ва грипп симптомлари сақланса, шифокорга мурожаат қилиш лозим.
Ножўя таъсирлари
Парацетамолнинг таъсири билан боғлиқ ножўя таъсирлари: аллергик реакциялар (тери тошмаси, эшакеми, ангионевротик шиш); кам ҳолларда – тромбоцитопения, лейкопения, агранулоцитоз кузатилиши мумкин.
Фенилэфриннинг таъсири билан боғлик ножўя таъсирлари: кўнгил айниши, бош оғриғи, артериал босимни бироз ошиши, кам ҳолларда юрак уриши кузатилиши мумкин (препарат бекор қилинганидан кейин ўтиб кетади).
Тавсия этилганидан анча юқори дозаларда узоқ муддат қўлланганида жигар ва буйрак функциясини бузилиш ҳавфи ошиши мумкин.
Нохуш реакциялар пайдо бўлганида шифокорга мурожаат қилиш лозим.
Қўллаш мумкин бўлмаган ҳолатлар
Жигар ва/ёки буйрак функциясини яққол бузилишлари; гипертиреоидизм (тириотиксикоз); юрак касалликлари (аорта оғизнинг яққол стенози) ўткир миокард инфаркти, тахиаритмия; артериал гипертензия; трициклик антидепрессантлар, бета-адреноблокаторлар, МАО ингибиторларини бир вақтда қабул қилиш (шу жумладан улар бекор қилингандан кейинги 14 кунгача бўлган давр); бир вақтда бошқа парацетамол сақловчи воситалар ва «шамоллаш», грипп ва буруннинг битиши белгиларини енгиллаштириш учун воситаларни қабул қилиш; простата безининг гиперплазияси; ёпиқ бурчакли глаукома; 12 ёшгача бўлган болалар (шифокор кўрсатмасисиз); препаратнинг компонентларига юқори сезувчанликда қўллаш мумкин эмас.
Глюкозо-6-фосфатдегидрогеназанинг генетик танқислигида, хавфсиз гипербилирубинемияларда, буйрак ёки жигар етишмовчилигида, қандли диабет ва глюкозанинг сўрилишини наслий бузилишларида (сахароза сақлайди), ҳомиладорлик ва лактация (эмизиш) даврида, кекса ёшдаги шахсларда эҳтиёткорлик билан қўлланади.
Дориларнинг ўзаро таъсири
МАО ингибиторлари, седатив воситалар, этанолнинг самарасини кучайтиради. Антидепрессантлар, паркинсонизмга қарши ва антипсихотик воситалар ва фенотиазин хосилалари сийдикни тутилиши, оғизни қуриши, қабзият хавфини оширади. Глюкокортикоидлар глаукома ривожланиши хавфини оширади. Парацетамол диуретик препаратларининг самарадорлигини пасайтиради. Галотан қоринчалар аритмияси хавфини оширади. Гуанетдин фенилэфриннинг альфа-адреностимуляция қилувчи, трициклик антидепрессантлар симпатомиметик самарасини кучайтиради.
Бир вақтда барбитуратлар, дифенин, карбамазецин, рифампицин, зидовудин ва жигар ферментларининг бошқа индукторлари қабул қилинганида гепатотоксик таъсирини ривожланиш хавфини оширади.
Махсус кўрсатмалар
Метоклопрамид, домперидон, колестирамин, антикоагулянтлар (варфарин) қабул қилаётган пациентларга препаратни бир вақтда буюриш заруратини шифокор индивидуал равишда аниқлайди. Ҳомиладорликда препаратни буюриш заруратини шифокор индивидуал равишда ҳал қилади. Жигарни парацетамол билан токсик шикастланишидан сақланиш учун, препаратни алкоголь билан қабул қилишдан сақланиш кераклиги тўғрисида пациентларни огоҳлантириш лозим.
Препаратни сурункали алкоголизми бўлган пациентларга буюриш тавсия қилинмайди. Препаратнинг фаол компонентлари седатив таъсир кўрсатмаслиги туфайли, тавсия қилинган дозаларда автомобилни ҳайдаш ва механизмлар билан ишлашга чекланишлар йўқ.
Препаратни буйрак ёки жигар етишмовчилигида, ҳомиладорлик ва лактация (эмизиш) даврида эҳтиёткорлик билан қўллаш лозим.
Препарат болалар ололмайдиган жойда сақлансин ва яроқлилик муддати тугагандан сўнг қўлланилмасин.
Дозани ошириб юборилиши
Доза ошириб юборилган холда, хатто агар Сиз ўзингизни яхши сезсангиз ҳам, дарҳол тиббий ёрдамга мурожаат қилинг, чунки жигарни жиддий шикастланишининг муддати кечиккан белгиларини пайдо бўлиш хавфи бор.
Дозани ошириб юборилиши, одатда парацетамол билан боғлиқ бўлиши мумкин.
Симптомлари: тери қопламаларини оқариши, анорексия, кўнгил айниши, қусиш, жигар трансаминазалари фаоллигини ошиши, гепатонекроз, протромбин вақтини ошиши.
Даволаш: кейинги фаоллаштирилган кўмирни буюриш билан меъдани ювиш, симптоматик даволаш. Парацетамол билан захарланганда махсус антидоти N-ацетилцистеиндир.
Чиқарилиш шакли
Ичга кабул килиш учун эритма тайёрлаш учун кукун 5 г дан пакетчаларда.
5, 10, 25, ёки 50 пакетчаларни қўллаш бўйича йўрикномаси билан бирга картон қутига жойлаштирилади.
Сақлаш шароити
Қуруқ, ёруғликдан ҳимояланган жойда, 250С юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецепт бўйича.
