Азатрил

ҚЎЛЛАШ БЎЙИЧА ЙЎРИҚНОМА

Азатрил

AZATRIL

Препаратнинг савдо номи: Азатрил

Таъсир этувчи модда (ХПН): азитромицин дигидрати

Дори шакли: ичга қабул қилишга суспензия тайёрлаш учун кукун

Таркиби:

5 мл суспензияда қуйидагилар сақланади:

Фаол модда: азитромицин дигидрати, 200 мг азитромицинга эквивалент;

Ёрдамчи моддалар: динатрий фосфат дигидрати, банан эссенцияси, натрий сахарини, ксантан камеди, маннитол, метилпарагидроксибензоати, натрий цикламати, ўта желатинланган крахмал, сувсиз тринатрий фосфати, сахароза.

Таърифи: Оқдан деярли оқ ранглигача бўлган кукун. Оқдан деярли оқ ранглигача бўлган, мева таъмли гомоген суспензия.

Фармакотерапевтик гуруҳи: макролидлар, линкозамидлар ва стрептограминлар.

АТХ коди: J01FA10

Фармакологик таъсири

Азатрил макролидлар гуруҳига мансуб бўлган антибактериал препаратдир. У инфекцияни чақирувчи бактерияларнинг ҳужайра деворидаги оқсилларни ҳосил бўлишини бузиб, уларни йўқотади.

Қўлланилиши

Азатрил антибиотикка сезгир микроорганизмлар томонидан чақирилган инфекцияларни даволаш учун қўлланади, ҳусусан:

• юқори нафас йўллари (синуслар буруннинг ёндош бўшлиқлари ва ўрта қулоқни ўткир яллиғланиши, тонзиллофарингитлар) ва қуйи нафас йўллари (бронхитлар, пневмониянинг баъзи турлари) нинг инфекциялари;
• тери ва юмшоқ тўқималарнинг инфекциялари (сарамас, импетиго ва иккиламчи пиодермия, Лайм касаллигининг биринчи босқичи);
• жинсий йўл орқали юқадиган касалликлар – хламидиялар чақирган, асоратланмаган уретритлар ва цервицитлар;
• меъда ва ўн икки бармоқ ичак шиллиқ қаватининг сурункали яллиғланишлари ва яра касаллиги, хеликобактериялар чақирган инфекцияни бартараф қилиш ва йўқотиш учун қўлланади.

Дори воситасини қўллашни бошлашдан олдин зарур бўлган маълумот

Қўллаш мумкин бўлмаган ҳолатлар

Агар Сизда азитромицинга, бошқа макролид антибиотикларига ёки препаратнинг бирон бир ёрдамчи моддаларига аллергия бўлса, Азатрил қўлланилмасин.

Эҳтиёткорлик чоралари

Азатрилни қабул қилишдан олдин ўз шифокорингиз ёки фармацевт билан маслаҳатлашинг.

• агар Сизда жигарни шикастланиши бўлса;
• агар Сизда буйрак томонидан муаммолар бўлса;
• агар Сиз эрготамин ҳосилалари (мигренни даволаш учун қўлланадиган дори воситалар) ни қабул қилаётган бўлсангиз;
• агар Сизда QT интервалини туғма ёки аниқланган узайиши бўлса;
• агар Сизда қонда калий ва натрийнинг қиймати пасайган бўлса;
• агар Сизда юрак фаолияти бузилган – юрак ритми секинлашган, юрак аритмияси ёки оғир юрак етишмовчилиги бўлса,

шифокорингизга хабар беринг.

Махсус огоҳлантиришлар

Азатрил билан даволанишда, бошқа макролид антибиотикларни қабул қилганда бўлгани каби, гарчи кам бўлса-да, аммо ангиошиш (юз, лаб, тил ва томоқни шиши) ва анафилаксия (бирон модда/аллергенга тўсатдан кузатиладиган оғир аллергик реакция, бу ҳаётга ҳавф туғдириши мумкин) ривожланиши мумкин. Баъзи шундай реакцияларда клиник симптомлар такроран намоён бўлиши мумкин ва шунинг учун узоқ вақт кузатиш ва даволаш керак. Агар Сизда аллергиянинг симптомлари пайдо бўлса, Азатрилни қабул қилишни тўхтатинг ва зудлик билан ўз шифокорингизга мурожаат қилинг.

Ҳар қандай антибиотикларни қабул қилганда бўлгани каби, суперинфекцияни (сезгир бўлмаган микроорганизмлар томонидан чақирилган қўшимча инфекция, шу жумладан замбуруғлар чақирган инфекция) ривожланиш эҳтимоли мавжуд.

Юрак аритмияларини пайдо бўлиш ҳавфи юқори бўлган пациентларда юрак ритми бузилишларини (баъзида жиддий) инкор этиш қилиш мумкин эмас.

Азатрил жигарнинг шикастланишини чақириши мумкин. Агар Сизда иштаҳани йўқолиши, сариқлик (тери сарғиш тусга киради) сийдик рангини тўқлашиши, қичишиш ёки қоринда оғриқ кузатилса, Азатрилни қабул қилишни тўхтатинг ва зудлик билан ўз шифокорингизга мурожаат қилинг.

Антибиотиклар, шу жумладан Азатрилни қабул қилиш вақтида, шунингдек уларни қабул қилиш тўхтатилгандан сўнг, яна бир неча ҳафта давомида ич кетиши пайдо бўлиши мумкин. Агар ич кетиши оғир ва давомли бўлса, ёки агар Сиз ахлатда шиллиқ ва қон борлигини сезсангиз, Азатрилни қабул қилишни зудлик билан тўхтатинг, чунки бу ҳолат ҳаётга ҳавф туғдириши мумкин. Ичак перистальтикасини секинлаштирувчи ёки тўхтатувчи дори воситаларни қабул қилманг ва шифокорингизга мурожаат қилинг.

Агар Сизда QT интервалини туғма узайиши бўлса ёки оилавий анамнезда уни борлиги тўғрисида маълумотлар бўлса (бу юракнинг электрик фаолиятини кўрсатадиган электрокардиограммада кузатилади), агар Сизда қонда тузларнинг мувозанати бузилган бўлса (айниқса, қонда калий ва магнийнинг қийматлари пасайганда), агар Сизда юрак ритми секинлашган бўлса (брадикардия деб номланади), агар Сизда юрагингиз кучсиз бўлса (юрак етишмовчилиги), агар Сиз юрак ҳуружини (миокард инфарктини) ўтказган бўлсангиз, агар Сиз электрокардиограммада одатда кузатилмайдиган ўзгаришларга олиб келадиган дори воситаларни қабул қилаётган бўлсангиз (“Бошқа дори воситалари ва овқат маҳсулотлари билан ўзаро таъсири” га қаранг), ушбу препаратни қўллашда эҳтиёткорликка риоя қилинг.

Бошқа дори воситалари билан ўзаро таъсири ва ўзаро таъсирнинг бошқа шакллари

Агар Сиз бошқа дори воситалар қабул қилаётган, яқинда қабул қилган бўлсангиз ёки Сизга қабул қилиш талаб этилиши мумкин бўлса, илтимос ўз шифокорингиз ёки фармацевтга хабар беринг.

Агар Сиз қуйида санаб ўтилган дори воситалардан биронтасини қабул қилаётган бўлсангиз, ўз шифокорингизга хабар беринг:

• Эрготамин каби, эрготамин ҳосилалари (мигренни даволашда қўлланадиган дори воситалар);
• Антацидлар (меъданинг кислотали муҳитини пасайтириш учун қўлланадиган дори воситалар);
• Бромокриптин (пролактин гормонининг ошган секрециясини бостиради);
• Дигоксин (юрак етишмовчилигини даволаш учун қўлланади);
• Циклоспорин (одатда аъзолар кўчириб ўтказилганида буюрилади);
• Цизаприд (меъда фаолиятини бузилишларида қўлланади);
• Нелфинавир ва зидовудин (ОИТС ни даволаш учун қўлланадиган дори воситалар);
• Терфенадин (аллергияда қўлланади);
• Теофиллин (юқори нафас йўлларини бўғилиш билан кечувчи касалликларини даволаш учун ишлатилади);
• Антикоагулянтлар (қон қуйқалари ҳосил бўлишини олдини олиш учун ишлатилади);
• Юрак ритмига таъсир кўрсатиши мумкин бўлган дори воситалар (масалан, хинидин, гидрохинидин, дизопирамид, амиодарон, соталол, дофетилид, ибутилид).

Азатрилни қўллаш ва овқат ва ичимликларни қабул қилиш

Азатрил препаратини овқатдан камида бир соат олдин ёки икки соатдан кейин қабул қилинади.

Баъзи пациентлар гуруҳи учун огоҳлантиришлар

Ҳомиладорлик ва эмизиш вақтида қўлланиши

Агар Сиз ҳомиладор бўлсангиз ёки эмизсангиз, агар Сиз ҳомиладорликка шубҳа қилаётган ёки уни режалаштираётган бўлсангиз, ушбу дори воситасини қўллашдан олдин ўз шифокорингиз билан маслаҳатлашинг.

Ҳомиладорлик вақтида Азатрил препаратини фақат шифокор тавсияси бўйича қўллаш керак.

Препарат билан даволаниш вақтида эмизишни тўхтатиш керак.

Транспорт воситаларини бошқариш ва техника билан ишлаш қобилиятига таъсири

Транспорт воситаларини бошқариш ёки техника билан ишлаш қобилиятига таъсири тўғрисида маълумотлар йўқ.

Ёрдамчи моддалари ҳақида маълумот

Азатрил сахароза ва метилпарагидроксибензоат сақлайди.

Агар шифокорингиз Сизга, баъзи қандларни ўзлаштиролмаслик борлигини айтган бўлса, ушбу препаратни қабул қилишни бошлашдан олдин у билан маслаҳатлашинг.

Метилпарагидроксибензоати аллергик реакцияларни чақириши мумкин (улар секин ривожланадиган тури бўлиши мумкин).

5 мл суспензия 138 мг (6 ммоль) натрий сақлайди. Овқатланиш тартибида натрийни қабул қилиш назоратда бўлишини талаб этадиган пациентларда ҳисобга олиш керак.

Препаратни тўғри қўллаш бўйича маълумотлар

Қўллаш усули ва дозалари

Азатрил препаратини доимо ўз шифокорингизнинг кўрсатмаларига мувофиқ қабул қилинг. Агар Сиз бирон бир нарсага ишонч ҳосил қилмаган бўлсангиз, ўз шифокорингиз ёки фармацевтдан сўранг.

Дозаси

Катталар

Хламидиялар томонидан чақирилган асоратланмаган уретритлар ва цервицитларда дозаси бир марта 1 г ни ташкил этади.

Қолган барча кўрсатмаларда умумий дозаси 1,5 г ни ташкил этади, 500 мг дан бўлинган ҳолда навбатдаги 3 кун давомида қабул қилинади. Ушбу дозага муқобил доза сифатида 5 сутка давомида – биринчи суткада 500 мг ва сўнгра 250 мг дан қабул қилиш мумкин.

Кекса ёшдаги пациентлар

Катталар учун қўлланадиган дозаларда қўлланади.

Болалар

Азатрил капсулалари тана вазни 45 кг дан кам бўлган болаларда қўллаш учун тўғри келмайди. Улар учун Азатрил препаратини ичга қабул қилишга суспензия тайёрлаш учун кукун дори шаклини ишлатиш керак. 6 ойликдан кичик бўлган болаларда қўллаш юзасидан маълумотлар йўқ. Болалар учун доза 3 кун давомида суткада бир марта тана вазнига 10 мг/кг ни ташкил этади.

Одатда қуйидаги дозалаш схемаси ишлатилади.

Юқори ва қуйи нафас йўлларининг инфекцияларида ва тери ва юмшоқ тўқималарнинг инфекцияларида (миграцияланувчи эритемадан ташқари) – 10 мг/кг суткада бир марта 3 кун давомида қўлланади.

Препаратнинг дозаси тана вазнига қараб аниқланади.

Гарчи пенициллин Spreptococcus pyogenes чақирган фарингит ва тана ҳароратини кўтарилиши билан зўрайган ревматизмни олдини олиш учун биринчи танлов препарати ҳисоблансада, болаларда стрептококкли фарингитни даволашда Азатрил суткада бир марта 10 мг/кг дозада ёки 20 мг/кг дозада 3 кун давомида қўлланади, максимал суткалик дозаси 500 мг дан ошмаслиги керак.

Миграцияланувчи эритемада умумий доза 60 мг/кг ни ташкил этади – биринчи суткада тана вазнига 20 мг/кг, кейинчалик 2-кундан 5-кунгача тана вазнига 10 мг/кг дозада бир марта қабул қилинади.

Меъда ва ўн икки бармоқ ичакнинг хеликобактер пилори чақирган инфекцияларида – суткада тана вазнига 20 мг/кг дозада шифокорнинг тавсиясига кўра, мувофиқ дори воситаси билан мажмуада қўлланади.

Буйракларни шакастланиши

Буйрак фаолиятини енгилдан ўртача даражагача шикастланиши бўлган пациентларда дозасини мувофиқлаштириш зарурати йўқ. Буйрак фаолиятини оғир даражада шикастланиши бўлган беморларда азитромицин қўлланганида алоҳида эътибор бериш керак.

Жигарни шикастланиши

Жигарни оғир даражадаги касалликлари бўлган пациетларга эҳтиёткорлик билан қўлланади.

Қўллаш усули

Азатрил суткада бир марта, овқат истеъмол қилишдан камида бир соат олдин ёки 2 соат кейин қабул қилинади. Аниқ дозани ўлчов шприци ёки ўлчов қошиғи ёрдамида танланади.

Флаконга 12 мл қайнатилган ва совутилган сув қуйилади ва бир хил суспензия ҳосил бўлгунича яхшилаб чайқатилади. Ҳар гал қабул қилишдан олдин суспензияни чайқатиш керак.

Агар Сиз Азатрилни қабул қилишни ўтказиб юборган бўлсангиз

Агар Сиз Азатрилни қабул қилишни ўтказиб юборган бўлсангиз, уни имкон бўлиши билан қабул қилинг ва сўнгра қабул қилишни буюрилган схема бўйича давом эттиринг. Агар навбатдаги қабул қилиш вақти келган бўлса, ўтказиб юборилган дозани қабул қилманг, схема бўйича давом эттиринг. Ўтказиб юборилган дозани компенсация қилиш учун икки баробар дозада қабул қилманг.

Агар Сиз Азатрилни қабул қилишни тўхтатган бўлсангиз

Сиз ҳатто ўзингизни яхши хис қилаётган бўлсангиз ва касаллик симптомлари йўқолган бўлса ҳам, инфекция хали хам мавжуд бўлиши мумкин ва агар Сиз даволанишни ҳаддан ташқари тез тўхтатган бўлсангиз, у қайталаниши мумкин. Дори воситасини Сизга қандай буюрилган бўлса, шунча вақт қабул қилинг.

Агар Сизда ушбу дори воситасини қўллаш билан боғлиқ биронта қўшимча саволлар туғилган бўлса, илтимос, ўз шифокорингизга ёки фармацевтга мурожаат қилинг.

Дозани ошириб юборилиши

Буюрилган дозадан ортиқ дозада қабул қилинганида, зудлик билан шифокорга ёрдам учун мурожаат қилинг!

Бундай антибиотикларнинг дозаларини ошириб юборилишига хос бўлган симптомларга эшитишни қайтувчан йўқолиши, кучли кўнгил айниши, қусиш ва ич кетиши ҳисобланади. Дозаси ошириб юборилганида дори воситасини қабул қилишни тўхтатиш, фаоллаштирилган кўмирни қабул қилиш ва, зарурат бўлганида симптоматик ва тутиб турувчи воситаларни қўллаш керак.

Ножўя реакциялар

Барча дори воситалари каби, Азатрил ҳам, гарчи улар ҳаммада ҳам намоён бўлмасада, ножўя реакцияларни чақириши мумкин. Агар Сиз қуйида келтирилган ножўя реакциялар хусусида ишонч ҳосил қилмасангиз ўз шифокорингиздан уларни тушунтириб беришини илтимос қилинг.

Бу ножўя реакциялар қуйидаги тез-тезликда намоён бўлиши мумкин:

• жуда тез-тез – 10 та пациентдан 1 ва ундан ортиқ пациентда намоён бўлади;
• тез-тез – 100 та пациентдан 1 дан 10 тагача пациентда намоён бўлади;
• тез-тез эмас – 1000 та пациентдан 1 дан 10 тагача пациентда намоён бўлади;
• кам ҳолларда – 10000 та пациентдан 1 дан 10 тагача пациентда намоён бўлади;
• жуда кам ҳолларда – 10000 пациентдан 1 та ва ундан камида намоён бўлади;
• учраш тез-тезлиги номаълум – мавжуд бўлган маълумотлар асосида баҳолаш мумкин эмас.

Қуйида санаб ўтилган симптомлардан биронтаси намоён бўлганида зудлик билан шифокорингизга хабар беринг

• Нафасни қийинлашиши, қон босимини пасайиши билан кечувчи жиддий реакциялар, ва баъзида шоккача авж олиб бориши мумкин бўлган аллергик реакциялар (жумладан, юз, лаб, тил ва томоқни шиши).
• Жигар фаолиятини бузилиши – тери ва кўзни сарғайиши (сариқлик), жигарни яллиғланиши (гепатит) ёки жигар етишмовчилиги.
• Оғир ва узоқ давом этувчи шиллиқ ва қон аралаш ич кетиши, бу сохта мембраноз колитни ривожланиш белгиси бўлиши мумкин, бу препаратни қабул қилишни тўхтатиш ва мувофиқ даволашни буюришни талаб этади.

Қуйидаги ножўя реакциялар бўлиши мумкин

Инфекциялар ва паразитозлар

Тез-тез эмас: кандидоз (замбуруғли инфекция), оғиз бўшлиғида замбуруғларни ривожланиши, қин инфекциялари.

Тез-тезлиги номаълум: сохта мембраноз колит (оғир, ҳаётга ҳавф туғдирувчи ҳолат).

Қон ва лимфа тизими томонидан бузилишлар

Тез-тез эмас: қон ҳужайралари:

• тромбоцитлар сонини камайиши (қон кетиш ва кўкаришларни пайдо бўлиш ҳавфи ошади);
• оқ қон таначалари – лейкоцитлар ва нейтрофиллар сонини камайиши (инфекцияларга нисбатан сезувчанлик ошади);

Тез-тезлиги номаълум: гемолитик анемия (қизил қон таначалари сонини камайиши, терини оқариши ёки сарғайишига, ҳолсизлик ва нафасни қисишига олиб келиши мумкин).

Юрак томонидан бузилишлар

Тез-тез эмас: пальпитация (юрак уришини хис этиш);

Тез-тезлиги номаълум: аритмиялар (жумладан пульсни тезлашиши ва юрак ритмини оғир ҳаётга ҳавф туғдирувчи даражада, “torsade de pointes” турида бузилиши).

Қон-томирлар томонидан бузилишлар

Тез-тезлиги номаълум: пасайган қон босими.

Руҳий бузилишлар

Тез-тез эмас: асабийлик;

Кам ҳолларда: қўзғалувчанлик;

Тез-тезлиги номаълум: тажаввузкорлик, хавотирлик.

Нерв тизими томонидан бузилишлар

Тез-тез: бош оғриғи, бош айланиши, парестезиялар (увишиш ва санчиш), таъм билишни бузилиши.

Тез-тез эмас: таъсирланишга сезувчанликни камайиши, уйқучанлик, уйқусизлик.

Тез-тез номаълум: тиришишлар, юқори фаоллик, синкопе (хушни қисқа муддатли йўқолиши билан кечувчи хушдан кетиш ҳолати), ҳид билишни йўқолиши, таъм билишни йўқолиши, ҳид билишни ўзгариши, мушаклар ҳолсизлиги.

Кўздаги бузилишлар

Тез-тез: кўришни бузилиши;

Қулоқ ва лабиринт томонидан бузилишлар

Тез-тез: карлик.

Тез-тез эмас: эшитишни бузилиши, қулоқларни шанғиллаши;

Кам ҳолларда: бош айланиши.

Меъда-ичакдаги бузилишлар:

Жуда тез-тез: ич кетиши, қорин соҳасида оғриқ, кўнгил айниши, қоринни дам бўлиши;

Тез-тез: қусиш, овқат ҳазм бўлишини бузилиши;

Тез-тез эмас: гастрит, қабзият.

Кам ҳолларда: тилни рангсизланиши, панкреатит (меъда ости безини яллиғланиши).

Жигар ўт йўлларидаги бузилишлар

Тез-тез эмас: гепатит;

Кам ҳоларда: жигар фаолиятини бузилиши;

Тез-тезлиги номаълум: жигар етишмовчилиги, ҳаётга ҳавф туғдирувчи гепатит, жигар некрози, сариқлик.

Иммун тизими томонидан бузилишлар

Тез-тез эмас: ангиошиш (юз ва томоқни шиши билан кечувчи оғир аллергик реакциялар), ўта юқори сезувчанлик.

Тез-тезлиги номаълум: аллергик реакциялар.

Метаболизм ва овқатланишни бузилиши

Тез-тез: иштаҳани йўқолиши.

Суяк-мушак тизими ва бириктирувчи тўқималар томонидан бузилишлар:

Тез-тез: бўғимларда оғриқ.

Буйрак ва сийдик йўллари томонидан бузилишлар:

Тез-тезлиги номаълум: интерстициал нефрит (буйракларни яллиғланиши) ва ўткир буйрак етишмовчилиги.

Тери ва тери ости ёғ тўқимаси томонидан бузилишлар

Тез-тез: тошма, терини қичишиши

Тез-тез эмас: Стивенс-Джонсон синдроми (тери, оғиз бўшлиғи, кўзлар ва жинсий аъзоларда пуфакларни пайдо бўлиши билан кечувчи оғир касаллик), ёруғликка сезувчанлик, эшакеми.

Тез-тезлиги номаълум: кўп шаклли эритема, токсик эпидермал некролиз.

Умумий бузилишлар:

Тез-тез: толиқиш ҳисси.

Тез-тез эмас: кўкрак соҳасида оғриқ, шиш, кўнгли йўқлик, ҳолсизлик.

Текширишлар

Тез-тез: қонда лимфоцитлар ва эозинофиллар сонини камайиши, қонда бикарбонатларнинг қийматини пасайиши.

Тез-тез эмас: жигар ферментлари миқдорини ошиши, қонда билирубин, мочевина ва креатинин даражасини ошиши, қонда калийнинг қийматини ўзгариши.

Тез-тезлиги номаълум: электрокардиограммада QT интервални узайиши.

Агар сизда дори воситасига нисбатан биронта ножўя реакция пайдо бўлса, шифокорингизга ёки фармацевтга хабар беринг. Бу ушбу илова-варақада таърифланмаган барча ножўя реакцияларга таалуқлидир.

Чиқарилиш шакли

Азатрил ичга қабул қилиш учун 20 мл суспензия тайёрлаш учун 15 г кукун тўқ рангли флаконда, ичга қабул қилиш учун иккиламчи ўлчов қошиғи ва ўлчов шприци.

Сақлаш шароити

25^оС дан юқори бўлмаган хароратда сақлансин.

Болалар олаолмайдиган жойда сақлансин!

Азатрил ўрамида кўрсатилган яроқлилик муддати тугаганидан сўнг ишлатилмасин! Яроқлилик муддати кўрсатилган ойнинг охирги кунига тўғри келади.

Дори воситасини канализацияга ёки маиший чиқиндилар учун контейнерга ташлаб юбориш мумкин эмас. Кераксиз дори воситаларни қандай йўқотишни фармацевтдан сўранг. Бу чоралар атроф муҳитни ҳимоя қилишга ёрдам беради.

Яроқлилик муддати

2 (икки) йил.

Тайёр суспензияни яроқлилик муддати – 2^оС дан 8^оС гача хароратда (совутгичда) 5 кун.

Ўрамида кўрсатилган яроқлилик муддати тугаганидан сўнг ишлатилмасин.

Дорихоналардан бериш тартиби

Рецепт бўйича.